അറിയുന്നു സഖി ഞാൻ നിൻ നിഴലെൻ
നിഴലിനെ പിൻ തുടരുന്നുവെന്ന് .........
തിരികെ നോക്കാതെ അറിയുന്നു നിൻ
മിഴികൾ ഈറനണിയുന്നുവെന്നു....
നിൻ വിതുമ്പലുകൾ കേൾക്കുന്നു ഞാൻ
ഇടറിയ നിൻ കാൽവെപ്പുകൾ അറിയുന്നു
ഇനിയും പിൻതുടരുവതെന്തിനു നീ ...........
അകലുക വിട പറയാതെ നീ ......
എന്നിലെ പ്രണയം എന്നും നിനക്കായി
എന്നിലെ ശ്വാസം എന്നും നിനക്കായി...
എങ്കിലും എൻ വിധിയിതെന്നു ഓർക്കുക
സഖി, വിധിയെ തിരിച്ചറിയുക ...........
അലകൾ തീരങ്ങളെ പുണരുംപ്പോൽ
നിന്നെ ഒരുനാൾ പുണർന്നു ഞാൻ ...
പിൻവലിച്ചിടുന്ന തിരകളെപ്പോലെ
സഖി ഞാനും അകന്നിടുന്നു ......
ഇനിയുമെൻ അലകൾ സഖി നിനക്കായി
കുളിർകാറ്റായി നിന്നെ തലോടവെ ...
അറിയുമൊ, ദേഹം വേർപെട്ട എൻ
ദേഹിതൻ വിതുമ്പലുകൾ ...........
